काठमाडौं । नेपाल प्रहरीले आफुहरु निर्वाचनको तयारीमा जुटेको स्पष्ट पारेको छ । उसले बैशाखमा दुई चरणमा निर्वाचन घोषणाभएसँगै गृहमन्त्रालय र गृहमन्त्री रामबहादुर थापाको निर्देशन अनुसार निर्वाचन सुरक्षा, यसका सम्भावित चुनौतीका साथै आवश्यक साधनस्रोतको व्यवस्थापनमा सक्रिय रहेको नेपाल प्रहरीले जनाएको हो ।
न्युज एजेन्सी नेपालसँगको सक्षिप्त कुराकानीमा नेपाल प्रहरीका केन्द्रीय प्रवक्ता एसएसपी बषन्तबहादुर कुँवरले निर्वाचनसँगै देशभर भइरहेका राजनीतिक प्रर्दशनलाई शान्तिपूर्ण र मर्यादित बनाउन प्रहरीले हरसम्भव प्रयासगर्ने जानकारी दिए ।
उनले काठमाडौं उपत्यका सहित देशभर भइरहेका र हुने राजनीतिक प्रर्दशनमा प्रहरीले मानवअधिकारको रक्षागर्दै भिड नियन्त्रण र प्रर्दशनलाई शान्तिपूर्ण बनाउने प्रयास गर्ने तथा गरिरहेको बताए ।
नेपाल कम्युनिष्ट पार्टी नेकपाका अध्यक्ष पुष्पकमल दाहालले सरकार बिरुद्धको आन्दोललाई आवेग सहित आक्रमक बनाउन युवा विद्यार्थीलाई निर्देशन दिए सँगै काठमाण्डौ सुरक्षा ब्यबस्था खलबलिने आशंका गरिएको छ ।
अध्यक्ष दाहालले अहिले सम्मको आन्दोलनले सरकारलाई कुनै असर नगरे पछि सडकमा टाउको फुटाउने गरि आन्दोलन हुने र त्यसकोे नेतृत्व आफैले गर्ने अभिब्यक्ति दिए पछि सुरक्षा चुनौती थपिएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
