काठमाडौं । कतारमा जारी फिफा विश्वकप २०२२ को नकआउट समिकरण पुरा भएको छ।
शुक्रबार समूह ‘जि’ र ‘एच’ को खेलसँगै जारी संस्करणमा अन्तिम १६ मा पुग्ने सबै टिमको तय भएको हो।
युरोपबाट सर्वाधिक ८ राष्ट्र नकआउट चरणमा प्रवेश गर्दा एसियाबाट ३, दक्षिण अमेरिका र अफ्रिकाबाट २/२ दुई तथा उत्तर अमेरिकाबाट एक टिम छन् ।
मंसिर १७ गते शनिबार समूह ‘ए’ को विजेता भर्सेस समूह ‘बी’ को उपविजेता (राति ८ः४५ बजे) नेदरल्याण्ड्स विरुद्ध अमेरिकाले खेल्नेछ ।
समूह ‘सी’ को विजेता भर्सेस समूह ‘डी’ को उपविजेताअर्जेन्टिना विरुद्ध अष्ट्रेलियाको खेल राति १२ः४५ मा हुने छ ।
मंसिर १८ गते आइतबार समूह ‘बी’ को विजेता इंग्ल्याण्ड भर्सेस समूह ‘ए’ को उपविजेता सेनेगलबीचको खेल राति १२ः४५ मा हुने तालिका छ । समूह ‘डी’ को विजेता फ्रान्स भर्सेस समूह ‘सी’ को उपविजेता पोल्याण्डले सोही दिन राति ८ः४५ मा खेल्नेछन् ।
त्यस्तै मंसिर १९ गते सोमबार समूह ‘ई’ को विजेता जापान भर्सेस समूह ‘एफ’ को उपविजेता क्रोएसियाले राति ८ः४५ मा खेल्नेछन् । समूह ‘जी’ को विजेता ब्राजिल भर्सेस समूह ‘एच’ को उपविजेता दक्षिण कोरियाबीच राति १२ः४५ मा प्रतिस्पर्धा हुनेछ ।
मंसिर २० गते मंगलबार समूह ‘एफ’ को विजेता मोरक्को र समूह ‘ई’ को उपविजेता भर्सेस स्पेनले राति ८ः४५ मा खेल्दा समूह ‘एच’ को विजेता पोर्चुगल र समूह ‘जी’ को उपविजेता स्वीटजरल्याण्डले राति १२ः४५ मा खेल्नेछन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
