काठमाडौं । नेपालमा आर्थिक वर्ष २०८०/०८१ मा सात हजार २२३ जनाले आत्महत्या गरेका छन् । आइतबार विश्व आत्महत्या रोकथाम दिवसको उपलक्ष्यमा काठमाडौंमा आयोजित कार्यक्रममा इपिडिमियोलोजी तथा रोग नियन्त्रण महाशाखाका निर्देशक डा. यदुचन्द्र घिमिरेले नेपालको हकमा गत आर्थिक वर्ष २०८०/०८१ मा सात हजार २२३ जनाले आत्महत्या गरेको बताए ।
उनका अनुसार, नेपालमा सरदर एक दिनमा २० जनाले आत्महत्याले गर्छन् । दिगो विकास लक्ष्यमा आत्महत्यालाई लक्ष्य ४.७ मा झार्ने भनिए पनि आत्महत्याको दर झनै बढ्दै गएको देखिएको छ ।
नेपालमा वयस्कमा ६.५ प्रतिशत र ३.९ प्रतिशत किशोरकिशोरीले आत्महत्या गर्ने सोच राख्ने गरेको र १५ देखि ४५ वर्षका प्रजनन उमेर समूहका महिलाहरूको मृत्युको पहिलो कारण आत्महत्या रहेको तथ्यांकले देखाउँछ र
डा. घिमिरेका अनुसार, आत्महत्याका धेरै कारणहरूमध्ये बायोलोजिकल कुरा, मानसिक रोग, फिजिकल,साइकोसोसियल,साइकोलोजिकल कारण प्रमुख हुन् । त्यस्तै, कतिपयले सामाजिक, सांस्कृतिक र आर्थिक कारणले पनि आत्महत्या गर्ने गर्छन् ।
"मृत्युका कारणहरूमध्ये आत्महत्या १५औँ कारण हो । वार्षिक सात लाख मानिसहरू आत्महत्याको कारणले मृत्यु वरण गर्दा रहेछन् । हरेक ४० सेकेन्डमा एक मानिसले आत्महत्या गर्दा रहेछन् । विश्वमा ७७ प्रतिशत आत्महत्याका घटना लो एन्ड मिडिल इन्कम (न्यून र मध्यम आय भएका) देशमा हुने गरेका छन् । त्यसमध्ये पनि साउथ इस्ट एसियामा मात्रै ३९ प्रतिशत छ," उनले भने ।
नेपालको हकमा गत आर्थिक वर्ष २०८०/०८१ मा प्रतिलाख जनसंख्यामा २५ जनाले आत्महत्या गरेको देखिएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
