काठमाडौँ । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रविन्द्र मिश्र र महामन्त्री धवलशमशेर राणासहित ७३ जनालाई थप हिरासतमा राख्न अदालतले अनुमति दिएको छ।
जिल्ला प्रहरी परिसर काठमाडौंका अनुसार राज्यविरुद्धको अभियोगमा मिश्र, राणा लगायत २० जनालाई १५ दिन र आपराधिक उपद्रव अन्तर्गतका ५३ जनालाई २० दिन हिरासतमा राख्न जिल्ला अदालतले अनुमति दिएको हो।
चैत १५ गते तीनकुनेमा दुर्गा प्रसाईं नेतृत्वको प्रदर्शनका क्रममा भएको आगजनी र तोडफोडमा संलग्न भएको आरोपमा उनीहरू पक्राउ परेका हुन्।
जिल्ला न्यायाधीश विष्णुप्रसाद उपाध्यायको इजाजतमा हिरासत म्याद थप भएको हो। प्रहरीका अनुसार फरार अभियुक्त दुर्गा प्रसाईंलगायतको पनि खोजी भइरहेको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
