काठमाडौँ । काठमाडौं महानगरपालिकाका प्रमुख प्रशासकीय अधिृकत सरोज गुरागाईं कार्यालयमा हाजिर हुन पुगेका छन् ।
उनलाई रोक्न महानगर प्रहरी समेत खटाइएको थियो ।
उनलाई नगर प्रहरीले गेटमै रोक्न खोजेको थियो । तर, कर्मचारीहरूले रोक्न नदिइ उनलाई कार्यालय प्रवेश गराएका छन् ।
साथै, प्रहरीले प्रमुख प्रशासकीय अधिकृतको कार्यकक्षमा ताला समेत लगाएको छ । महानगरको उक्त कार्यप्रति कर्मचारीहरुले आपत्ति जनाएका छन् ।
महानगरका कर्मचारीहरूले सरकारले गुरागाईंलाई नै पठाएकाले हाजिर गर्न दिएर काममा खटाउने पर्ने माग गरेका छन् ।
समाधानको मुख्य मियो मेयर बोलन शाह भएको तर उनले जिम्मेवार भएर काम नगरेको कर्मचारीहरुको आरोप छ ।
योजना अनुगमनका कर्मचारी नरबहादुर साउदले फेसबुकमा स्टाटस लेखेको भरमा महानगर नचल्ने भन्दै मेयर बालेन साहलाई जिम्मेवार भएका विवाद समाधान गर्न आग्रह गरे । उनले भने, ‘एउटा चिठी लेखेको, स्टाटस लेखेको भरमा महानगर चल्दैन । मेयर आफैं आएर यो समस्याको समाधान गर्नुपर्छ । मेयर साप जिम्मेवारी भएर प्रस्तुत हुनुस् ।’
उनीहरूले प्रमुख प्रशासकीय अधिकृतको गाडीमा समेत मेयरको निर्देशनमा महानर प्रहरीले ह्वील लक गरेको दाबी गरेका छन् । यसअघि आधिकारिक नक्सा पास प्रणाली भन्दा बाहिर गइ नक्सापास स्वीकृति दिएको पाइएपछि महानगरले जिम्मेवारीबाट हटाएको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
