काठमाडौं । नेकपा (माओवादी केन्द्र) का सांसद जनार्दन शर्माले राजनीतिक दलहरू गणतन्त्र र जनताको जनजीविकामा सुधार गर्नुभन्दा सत्तामोह र अवसरको खोजीमा असैद्धान्तिक गठबन्धन गर्ने प्रवृत्तिका कारण लोकतान्त्रिक अभ्यासमा समस्या आएको बताएका छन्।
बुधबार बसेको प्रतिनिधि सभा बैठकमा उनले लोकतन्त्रको विकल्प उन्नत लोकतन्त्र भएको भन्दै राजतन्त्र फर्किने कल्पना नगर्न चेतावनी दिए। उनले आफ्नो चिन्ता राजतन्त्र फर्किने डर नभई, विद्यमान कमीकमजोरी सुधार्न सकिन्छ कि सकिन्न भन्ने रहेको बताए।
उनले भने, "हामीले संविधान निर्माण गरे पनि मुलुकको अवस्था सुधार्न दत्तचित्त भएर लाग्नुपथ्र्यो। गणतन्त्र र जनताको जनजीविकामा सुधार गर्नुभन्दा पनि दलहरूबीच कुर्सीको छिनाझप्टि, सत्तामोह, अवसरको खोजी, एकअर्कामाथि आरोप–प्रत्यारोप र असैद्धान्तिक गठबन्धनका कारण लोकतान्त्रिक अभ्यासमा समस्या आएको हो। मलाई राजतन्त्र फर्किन्छ भन्ने डर छैन। हाम्रा कमीकमजोरी सच्याउन सकिन्छ कि सकिन्न भन्ने डर मात्र छ।"
संविधान कार्यान्वयनको दोस्रो कार्यकालसम्म आइपुग्दा नागरिक आवश्यकताअनुसार कानुन बनाउन नसक्नुको दोष कसको हो भन्ने प्रश्न गर्दै उनले सत्तारूढ दलहरूलाई जिम्मेवारी बहन गर्न आग्रह गरे।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
