काठमाडौं । कोशी प्रदेशका पूर्वमन्त्री एवं एमाले सांसद लीलाबल्लभ अधिकारीले उन्मुक्ति पाएका छन् ।
सरकारी वकिलको कार्यालय, काठमाडौंले मानव तस्करी प्रकरणमा जोडिएका अधिकारी विरुद्ध मुद्दा नचलाउने निर्णय गरेको हो ।
प्रमाण नपुगेकाले अधिकारीविरुद्ध मुद्दा नचलाउने निर्णय गरिएको जिल्ला सरकारी वकिल कार्यालयले जनाएको छ । सोही प्रकरणमा अन्य ११ जनाविरुद्ध भने जिल्ला अदालत काठमाडौंमा मुद्दा दर्ता भएको छ ।
पूर्वमन्त्री अधिकारी टोकियो महानगर र आर्ट काउन्सिल टोकियोले आयोजना गरेको कार्यक्रममा सहभागी हुन भन्दै ११ कात्तिकमा जापान उडेका थिए । उनीसँगै खोटाङका ४१ वर्षीय जनक राई, ३७ वर्षीय दावा शेर्पा र रसुवाका २१ वर्षीय कञ्चन देवकोटा जापान गएका थिए । तर, जापानको नारिता विमानस्थलले अधिकारीसहित चारै जनालाई नेपाल फर्काएपछि घटना बाहिरिएको थियो ।
नेपाल फर्केपछि अधिकारी विमानस्थलबाट छुटेका थिए भने अन्य तीन जनालाई नियन्त्रण लिइएको थियो । चौतर्फी विरोध भएपछि अधिकारीलाई पनि प्रहरीले कात्तिक २५ गते पक्राउ गरेको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला।
फेसबुक र ट्वीटरमार्फत पनि हामीसँग जोडिन सकिनेछ । हाम्रो
*युटुब च्यानल पनि हेर्नु होला।
