काठमाडौं । सेयर बजारमा गिरावट आएको छ । गत साता ६९ अंकले घटेको नेप्से यस साता पहिलो दिनमै दोहोरो अंकले घटेको हो ।
आइतबार नेप्से परिसूचक १३.०३ अंकले घटेर २६६७.४० बिन्दुमा आइपुगेको छ । ३२२ कम्पनीको १ करोड ५२ लाख ७० हजार १९७ कित्ता सेयर किनबेच भएको छ ।
सूचकसँगै कारोबार रकममा पनि गिरावट आएको छ । अघिल्लो दिनको तुलनामा कारोबार रकम ५३ करोड रुपैयाँ घटेर ७ अर्ब ७२ करोड रुपैयाँमा सीमित भएको छ ।
कारोबारमा आएका १३ वटा समूहमध्ये लगानी र उत्पादनमूलक बाहेक अरु सबैको परिसूचक घटेको छ । विकास बैंक समूहको परिसूचक सर्वाधिक १.६३ प्रतिशतले घटेको छ ।
आज जानकी फाइनान्सको सर्वाधिक ६० करोड ८७ लाख रुपैयाँको सेयर किनबेच भएको छ । त्यस्तै, एनआरएन इन्फ्रास्ट्रक्चरको ४० करोड ३३ लाख रुपैयाँ बढीको कारोबार भएको छ ।
आज कारोबारमा आएका मध्ये ५५ कम्पनीको मात्र सेयर मूल्य बढेको छ भने १८१ कम्पनीको मूल्य घटेको छ ।
आज थ्रीस्टार हाइड्रोपावरका सेयरधनीले सर्वाधिक ९.९१ प्रतिशत कमाएका छन् भने महुली लघुवित्तका सेयरधनीले ६.३० प्रतिशत गुमाएका छन् ।
जानकी फाइनान्सका सेयरधनीले भने सर्वाधिक १० प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
