काठमाडौं । सेयर बजारमा सामान्य वृद्धि भएको छ । आइतबार बजार खुल्ने बित्तिकै नेप्से परिसूचक ३५ अंकले बढे पनि अन्त्यमा झण्डै ५ अंकले बढेर बन्द भएको छ । ।
आज नेप्से परिसूचक ४.९८ अंकले बढेर २७५३.७६ बिन्दुमा पुगेको छ । आज ३२६ कम्पनीको २ करोड ४४ लाख २६ हजार ९०० कित्ता सेयर किनबेच भएको छ ।
आज सूचकसँगै कारोबार रकममा पनि उल्लेख्य वृद्धि भएको छ । आज ११ अर्ब ७२ करोड रुपैयाँ बराबरको सेयर किनबेच भएको छद । यो साढे २ महिना यताकै उच्च हो ।
आज कारोबारमा आएका १३ वटा समूह मध्ये ९ वटाको परिसूचक बढेको छ भने ६ को घटेको छ । होटल समूहको परिसूचक सर्वाधिक २.२१ प्रतिशतले बढेको छ भने फाइनान्स समूह १.६३ प्रतिशतले घटेको छ ।
आज ङादी ग्रुप पावरको सर्वाधिक ४५ करोड १७ लाख रुपैयाँको सेयर किनबेच भएको छ । त्यस्तै, समृद्धि फाइनान्सको ४१ करोड ८२ लाख रुपैयाँ बढीको कारोबार भएको छ ।
आज कारोबारमा आएका मध्ये १४५ कम्पनीको सेयर मूल्य बढेको छ भने ९२ कम्पनीको मूल्य घटेको छ ।
झिनो अंकले बढेको बजारमा आज ३ कम्पनीको सेयर मूल्यमा पोजेटिभ सर्किट लागेको छ । उन्नति सहकार्य लघुवित्त, स्वाभिमान लघुवित्त र अपर हेवाखोला हाइड्रोपावरको सेयर मूल्य १० प्रतिशतले बढेको छ ।
आज दुई कम्पनीको सेयर मूल्यमा नेगेटिभ सर्किट लागको छ । समृद्धि फाइनानस र गुराँस लघुवित्तका सेयरधनीले ठ्याक्कै १० प्रतिशत गुमाएका छन्
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
