काठमाडौं । अरुण भ्याली हाइड्रोपावरको खुद नाफामा उछाल आएको छ । कम्पनीले सोमबार सार्वजनिक गरेको चालु आर्थिक वर्ष २०८१/८२ को पहिलो त्रैमासको अपरिष्कृत वित्तीय विवरण अनुसार खुद नाफा ७२०.५३ प्रतिशतले बढेकोे छ ।
कम्पनीले चालु आवको असोज मसान्तसम्म ११ करोड ३२ लाख रुपैयाँ खुद नाफा कमाएको छ । यो गत वर्षको सोही अवधिको तुलनामा ९ करोड ९४ लाख रुपैयाँ धेरै हो । अरुण भ्यालीले गत वर्षको पहिलो त्रैमासमा १ करोड ३८ लाख रुपैयाँ खुद नाफा कमाएको थियो ।
समीक्षा अवधिमा अरुणको विद्युत् बिक्रीबाट हुने आम्दानी बढ्दा र खर्च घट्ना नाफामा उछाल आएको हो । यस अवधिमा कम्पनीको विद्युत् बिक्री आम्दानी ४८५.५७ प्रतिशतले बढेर ७ करोड ७४ लाख रुपैयाँ पुगेको छ ।
समीक्षा अवधिमा कम्पनीको कुल नाफा १३४४.४१ प्रतिशतले बढेर ११ करोड २१ लाख रुपैयाँ पुगेको छ । सामीक्षा अवधिमा कम्पनीको कुल खर्च ४३.६३ प्रतिशतले घटेर ३ करोड ६९ लाख रुपैयाँमा झरेको छ ।
हाल ३ अर्ब ७३ करोड ५९ लाख रुपैयाँ चुक्ता पूँजी रहेको कम्पनीको जगेडा कोषमा २५ करोड ५२ लाख रुपैयाँ संचित छ ।
खुद नाफा बढेसँगै पनि कम्पनीको प्रतिसेयर आम्दानी पनि ४ गुणाले बढेको छ । गत असोजमा २.९६ रुपैयाँ रहेको कम्पनीको प्रतिसेयर आम्दानी यस वर्ष बढेर १२.१२ रुपैयाँ पुगेको छ
समीक्षा अवधिमा कम्पनीको प्रतिसेयर नेटवर्थ १०६.८३ रुपैयाँ र मूल्य आम्दानी अनुपात २३.८४ गुणा छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
