काठमाडौं । नेपाल स्टक एक्सचेन्ज (नेप्से)ले बलेफी हाइड्रोपावर र लिबर्टी इनर्जीको सेयर मूल्य समायोजन गरेको छ ।
दुवै कम्पनीले हकप्रद सेयर प्रयोजनका लागि बुकक्लोज गरेसँगै नेप्सेले मूल्य समायोजन गरी नयाँ मूल्य निर्धारण गरेको हो ।
नेप्सेले बलेफी हाइड्रोपावरले जारी गर्ने १०० प्रतिशत हकप्रदका आधारमा सेयर मूल्य समायोजन गरेको हो । नेप्सेका अनुसार समायोजनपछि बलेफीको नयाँ सेयर मूल्य ३०६.६० रुपैयाँ कायम भएको छ ।
त्यस्तै, लिबर्टी इनर्जीले जारी गर्ने ५० प्रतिशत हकप्रद सेयरका आधारमा मूल्य समायोजन भएको हो । लिबर्टीको नयाँ सेयर मूल्य २१७.३३ रुपैयाँ कायम भएको छ ।
अब यही समायोजित मूल्यका आधारमा बुधबार दोस्रो बजारमा दुवै कम्पनीको सेयर कारोबार खुल्नेछ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
