काठमाडौं । समता घरेलु लघुवित्त वित्तीय संस्थाको थप सार्वजनिक निष्काशन (एफपीओ)मा आवेदन दिने आज अन्तिम दिन रहेको छ ।
लघुवित्तले कात्तिक १२ गतेदेखि बिक्रीमा ल्याएको प्रतिकित्ता १०० रुपैयाँ दरले ३ करोड ५० लाख ९० हजार ४२५ रुपैयाँ बराबरको ३ लाख ५० हजार ९०४.२५ कित्ता एफपीओमा आवेदन दिने आज अन्तिम दिन हो ।
लघुवित्तले साविकको मनकामना स्मार्ट लघुवित्त वित्तीयलाई गाभेपछि संस्थापक र सर्वसाधरण सेयरधनीको सेयर हिस्सा मिलाउन एफपीओ बिक्रीमा ल्याएको हो ।
लगानीकर्ताले न्यूनतम १० कित्तादेखि अधिकतम १ हजार कित्तासम्मका लागि आवेदन दिन सक्नेछन् । लगानीकर्ताले नेपाल धितोपत्र बोर्डबाट स्वीकृती प्राप्त गरेका सम्पूर्ण सी(आस्बा अनुमति प्राप्त बैंक तथा वित्तीय संस्था, तिनका शाखा कार्यालयहरुबाट आवेदन दिन सक्नेछन् । साथै, मेरो सेयरमार्फत अनलाइन आवेदन पनि दिन सक्नेछन् । लघुवित्तको धितोपत्र निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ।
एफपीओ निष्काशनका लागि गराइएको रेटिङ्गमा इक्रा नेपालले लघुवित्तलाई ‘इक्रएनपी इस्यूअर डबल बी माइनस’ रेटिङ दिएको छ । यसले लघुवित्तको वित्तीय दायित्व बहन गर्ने क्षमतामा मध्यम जोखिम रहेको जनाउँदछ ।
हाल ५६ करोड ४० लाख ६ हजार ३०४ रुपैयाँ चुक्ता पूँजी रहेको लघुवित्तको एफपीओ जारीपछि ५९ करोड ९० लाख ९६ हजार ७२८ रुपैयाँ पुग्नेछ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
