काठमाडौं । हिमालयन रि इन्स्योरेन्सको खुद नाफामा उल्लेख्य सुधार आएको छ । कम्पनीले बुधबार सार्वजनिक गरेको गत आर्थिक वर्ष २०८०/८१ को चौथो त्रैमासको अपरिष्कृत वित्तीय विवरण अनुसार खुद नाफा ९७.६४ प्रतिशतले बढेको छ ।
कम्पनीले गत असार मसान्तसम्म १ अर्ब २८ करोड ३५ लाख रुपैयाँ नाफा कमाएको छ । यो अघिल्लो आव २०७९/८० को तुलनामा ६३ करोड ४१ लाख रुपैयाँ धेरै हो । अघिल्लो वर्ष कम्पनीले कुल ६४ करोड ९४ लाख रुपैयाँ नाफा कमाएको थियो ।
समीक्षा अवधिमा कम्पनीको बीमा शुल्क संकलनसँगै कुल आम्दानी बढ्दा नाफामा उछाल आएको हो ।
समीक्षा अवधिमा कम्पनीको खुद बीमा शुल्क ८२.७५ प्रतिशतले बढेर ५ अर्ब ४५ करोड रुपैयाँ पुगेको छ । त्यस्तै, कम्पनीको कुल आम्दानी पनि ६७.०९ प्रतिशतले बढेर ६ अर्ब ६२ करोड रुपैयाँ पुगेको छ ।
समीक्षा अवधिमा कम्पनीले खर्च ५५.१२ प्रतिशतले बढेर ४ अर्ब ७९ करोड रुपैयाँ पुगेको छ । गत वर्ष कम्पनीले २ अर्ब ७५ करोड रुपैयाँ दाबी भुक्तानी गरेका छ ।
हाल १० अर्ब ४० करोड रुपैयाँ चुक्ता पूँजी रहेको कम्पनीको जगेडा कोषमा १ अर्ब ९ करोड रुपैयाँ संचिति छ । कम्पनीको महाविपत्ति कोषमा ११ करोड १० लाख र रिटेन्ड अर्निङमा ५६ अर्ब ४३ करोड रुपैयाँ छ ।
समीक्षा अवधिमा कम्पनीको प्रतिसेयर आम्दानी ९.२८ रुपैयाँबाट बढेर १२.३४ रुपैयाँ पुगेको छ । यसको प्रतिसेयर नेटवर्थ १५४.२६ रुपैयाँ रहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
