काठमाडौं । सेयर बजारले कमब्याक गरेको छ । बुधबार २७ अंकले घटेको नेप्से आज सोभन्दा धेरै अंकले बढेकाे हो ।
बिहीबार नेप्से परिसूचक ३२ अंकले बढेर २५६८.११ बिन्दुमा पुगेको छ । सूचक बढे पनि आज कारोबार रकममा भने गिरावट आएको छ । अघिल्लो दिनको तुलनामा कारोबार रकम २ अर्ब ७ करोडले घटेर १४ अर्ब १३ करोड रुपैयाँमा सीमित भएको छ ।
आज ३२० कम्पनीको ३ करोड ५५ लाख ९४ हजार ८६८ कित्ता सेयर किनबेच भएको छ ।
कारोबारमा आएका १३ वटा समूहमध्ये ४ समूहको परिसूचक घटेको छ भने ९ समूहको बढेको छ । आज माइक्रोफाइनान्स समूहको परिसूचक सर्वाधिक ६.८३ प्रतिशतले बढेको छ भने लगानी समूह ०.७३ प्रतिशतले घटेको छ ।
आज सानिमा जीआइसी इन्स्योरेन्सको सर्वाधिक कारोबार भएको छ । यसको ३४ करोड १७ लाख रुपैयाँ बढीको ४ लाख ६८ हजार ४९२ कित्ता सेयर किनबेच भएको छ । त्यस्तै, हिमालयन लाइफको २४ करोड ६४ लाख रुपैयाँ बढीको सेयर खरिद बिक्री भएको छ ।
कारोबारमा आएका मध्ये १४३ कम्पनीको सेयर मूल्य बढेको छ भने ९६ कम्पनीको मूल्य घटेको छ ।
बढ्दो बजारमा आज ४ कम्पनीको सेयर मूल्यमा पोजेटिभ सर्किट लागेको छ । उपकार लघुवित्त, जीवन विकास लघुवित्त, एशियन हाइड्रोपावर र गणपति लघुवित्तका सेयरधनीले १० प्रतिशत कमाएका छन् ।
आज मितेरी डेभलपमेन्ट बैंकका सेयरधनीले भने सर्वाधिक ७.६५ प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
