काठमाडौं । नेपाल लाइफ इन्स्योरेन्सले गत आर्थिक वर्ष २०७९/८० को मुनाफाबाट घोषणा गरेको लाभांश सुरक्षित गर्ने आज अन्तिम दिन रहेको छ ।
कम्पनीले साधरण सभा तथा लाभांश प्रयोजनका लागि असार ४ गते बुकक्लोज मिति तोकेको छ । सो अनुसार असार ३ गतेसम्म कायम रहने सेयरधनीले प्रस्तावित लाभांश पाउने छन् । तर, भोलि सार्वजनिक बिदा परेकाले आजसम्म कायम रहने सेयरधनीले मात्र लाभांश पाउने छन् ।
कम्पनीले गत वर्षको नाफाबाट करसहित २१.०५ प्रतिशत नगद लाभांश घोषणा गरेको छ ।
उक्त लाभांश पारित गर्न इन्स्योरेन्सले असार १८ गते २३औं र २४औं वार्षिक साधरण सभा बोलाएको छ । कम्पनीको सभा होटल भिष्वा, वीरगञ्ज, पर्सामा बिहान ९ बजे सुरु हुनेछ ।
कम्पनीले सभामा लाभांश पारित गर्ने, गत आर्थिक वर्ष २०७९/८० को वार्षिक प्रतिवेदन, नाफा-नोक्सान हिसाब पारित गर्ने, आर्थिक वर्ष २०८०/८१ का लागि लेखापरीक्षक नियुक्ति गर्ने, निजको पारिश्रमिक निर्धारण गर्ने, संचालक समितिको निर्वाचन गर्ने लगायत एजेण्डा लैजाने छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
