आजको पञ्चाङ्ग
काठमाडौं । २०८१ जेठ ३२ गते | शुक्रवार १४ जुन २०२४। ज्येष्ठ शुक्लपक्ष अष्टमी तिथि। पूर्वफाल्गुनी नक्षत्र, प्रातः ५ः२३ बजेपछि नवमी। चन्द्रराशि सिंह, १२ः०१ बजेपछि कन्या।
आजको राशिफल
मेष : समय राम्रो छ। नयाँ कामको थालनी गर्ने जाँगर बढ्नेछ। राजनीतिमा चासो बढ्दै जानेछ। सेवाको अवसर प्राप्त हुने योग छ। लगानीका क्षेत्रमध्ये वैदेशिक क्षेत्रमा नाफा हुनेछ। खानपानमा ख्याल नगर्दा पेट सम्बन्धी समस्या बढ्ने जोखिम छ।
वृष : तपाईंको बोलीको प्रशंसा हुनेछ। पुराना र अधुरका काम बन्नेछन्। सामाजिक क्षेत्रमा मान र सम्मान बढ्नेछ। परिवारसँगको सम्बन्ध रमाइलो रहने योग छ। प्रेम सम्बन्ध सुमधुर बन्नेछ।
मिथुन : तपाईंलो राम्रो सोचेका साथीले नै असहयोग गर्नेछन्। वैदेशिक लगानी फस्ने जोखिम छ। पुरानो सम्पत्ति हात लाग्नेछ। शिक्षा क्षेत्रको लगानीबाट नाफा हुनेछ। संकटमा परिवारको साथ मिल्नेछ।
कर्कट : मन अशान्त हुनेछ। परिवारले अवहेला गर्ने जोखिम देखिन्छ। जुनसुकै काममा अवरोध हुने दिन छ। काम गर्नु अगाडि शनिदेवको पूजा गर्नु राम्रो हुन्छ। वर र पिपलमा पानी चढाएमा यसको दोष कम हुनेछ।
सिंह : सकारात्मक चिन्तन गरेर अगाडि बढेमा मनमा उत्साह बढ्नेछ। पुराना साथीसँगको भेटघाटमा रमाइलो हुनेछ। गुम्न लागेको धन हात लाग्नेछ। परिवारिक सम्बन्धमा भने तपाईंको आलोचना हुने दिन छ।
कन्या : मनमा अरुप्रतिको नराम्रो सोच हटेर जानेछ। लगानीका क्षेत्रमध्ये कृषि र पशुपन्छीमा फाइदा हुनेछ। वैदेशिक रोजगारी भन्दा स्वदेशमै गरेको रोजगारीबाट फाइदा हुनेछ। परिवारको सहयोग मिल्नेछ।
तुला : समाजसेवामा मन जानेछ। राजनीतिमा सेवाको अवसर प्राप्त हुनेछ। लगानी भए शिक्षाको क्षेत्रबाट नाम र दाम कमाउने दिन छ। परिवारसँगको सम्बन्ध सुमधुर बन्नेछ। स्वास्थ्यमा समस्या भएकाले खान मन नलाग्ने हुनसक्छ।
वृश्चिक : पश्चिमको लामो यात्रा जोखिमपूर्ण देखिन्छ। ठुला योजनामा लगानी नगर्नु राम्रो हुन्छ। मन अशान्त हुनेछ। परिवारको भने सहयोग प्राप्त हुनेछ।
धनु : समाजले तपाईंको प्रशंसा गर्नेछ। मन शान्त हुनेछ। नयाँ ठाउँको यात्राले खुशी मिल्नेछ। कृषि क्षेत्रमा गरेको लगानी भए नाफा हुनेछ। प्रेम सम्बन्ध सुमधुर बन्नेछ।
मकर : सञ्चित धन खर्च हुनेछ। साढेसाती दशाको मध्यभागमा चलेकाले जन्मकुण्डली हेरेर मात्र लगानी गर्नु राम्रो हुन्छ। स्वदेशमा भन्दा विदेशमा गरेको लगानीबाट फाइदा हुनेछ।
कुम्भ : मन अशान्त हुनेछ। व्यवहारमा झन्झट आइपर्ने देखिन्छ। शिक्षाको क्षेत्रमा अल्छीपनले दुःख दिनेछ। घरजग्गा र भूमि सम्बन्धी कारोबारले नाफा हुनेछ। परिवारसँगको सम्बन्ध भने सहज बन्नेछ। प्रेम सम्बन्ध सुमधुर हुने योग छ।
मीन : दिन राम्रो छ। लगानी र श्रमबाट नाफा हुनेछ। आफ्नै स्रोतबाट फाइदा हुनेछ। सामाजिक कार्य गर्ने इच्छा पूरा हुनेछ। परिवारमा मर्मको बुझाबुझ नहुँदा खटपटी बढ्ने देखिन्छ।
राशिफल जे जस्तो भएपनि तपाईंको दिन शुभ रहोस् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
