काठमाडौं । सहमतिका लागि निरन्तर संवादमा रहेको प्रमुख प्रतिपक्ष दल नेपाली कांग्रेसले आज सहकारी ठगीविरुद्ध सडक प्रदर्शन गर्दै छ ।
गत बुधबार बसेको केन्द्रीय कार्यसमितिको बैठकको निर्णय अनुसार कांग्रेसले काठमाडौं उपत्यकाका तीन जिल्लाका १५ वटा निर्वाचन क्षेत्रबाट प्रदर्शन गर्न लागेको हो । प्रदर्शनका लागि लागि कांग्रेसले उपत्यकाका १५ वटै निर्वाचन क्षेत्रमा केन्द्रीय प्रतिनिधि खटाइसकेको छ ।
विभिन्न क्षेत्रबाट आएका प्रदर्शनकारी दिउँसो १ बजे भृकुटीमण्डपमा आइपुग्ने कांग्रेसले जनाएको छ । लार्खौ कार्यकर्ता सडकमा उतार्ने जनाएको कांग्रेसले प्रदर्शनीमार्गमा दिउँसो १ बजे आमसभा गर्ने जनाएको छ ।
सहकारीको बचत अपचलन तथा ठगीविरुद्ध कांग्रेस सडकमा आउन लागेको हो ।
कांग्रेसले सहकारी बचतकर्ताको रकम फिर्ता दिनुपर्ने, गृहमन्त्री रवि लामिछानेमाथि संसदीय छानबिन हुनुपर्नेसहितका माग राखेर आन्दोलन सुरु गरेको नेता नैनसिंह महरले जानकारी दिए । विभिन्न सहकारीबाट झन्डै पाँच खर्ब रुपैयाँ अपचलन भएको कांग्रेसको ठहर छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
