काठमाडौं । मर्जपछि बनेको सानिमा रिलायन्स लाइफले पहिलो प्रथम वार्षिकोत्सव भव्य रुपमा सम्पन्न भएको छ ।
साबिकका सानिमा लाईफ र रिलायन्स लाइफ एक आपसमा गाभिएर बनेको कम्पनीले पहिलो वार्षिकोत्सव मनाएको हो । यी दुवै कम्पनीले गत वर्षको चैत ९ गते एकीकृत कारोबार थालनी गरेका हुन् ।
कम्पनीले विभिन्न संदेश मूलक प्लेकार्ड सहित प्रभातफेरी कार्यक्रम गरेको थियो । उक्त कार्यक्रम कम्पनीको कमलादी कार्यालयबाट सुरुवात भई घन्टाघर – भद्रकाली – जमल हुदै पुन : कमलादीमा पुगेर टुंगिएको थियो ।
साथै मानव जीवनको रक्षा गर्ने उदेश्यले नेपाल रेड क्रस सोसाईटिसंगको सहकार्यमा कम्पनीको प्रधान कार्यालय, बानेश्वरमा रक्तदान कार्यक्रमको आयोजना गरिएको थियो ।
उक्त कार्यक्रममा ५५ जना भन्दा बढी सहभागीहरुले रक्तदान गरेका थिए । साथै काठमाडौँ शान्तिनगर स्थित असहाय वृद्धबृद्धाहरुको लागि विशेष आश्रय प्रदान गरिरहेको नि:सहाय सेवा सदनमा आहार बिहार र देशैभरि विभिन्न शाखा कार्यालयहरू मार्फत सामाजिक उत्तरदायित्व अन्तर्गत सोही किसिमका कार्यक्रमहरूको आयोजना गरि मनाईराखीएको छ ।
हाल कम्पनीको चुक्ता पुँजी ४ अर्ब १८ करोड रुपैयाँ छ । कम्पनीको लगानी १७ अर्ब नजिक र जीवन बीमा कोष १२ अर्ब ६९ करोड रहेको छ । देशभरि १७५ साखा संजाल मार्फत आफ्नो सेवा प्रदान गर्दै आएको कम्पनीको व्यवसाय तथा अधिकांश आर्थिक सूचकाङ्कहरू सकारात्मक रहेका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
