काठमाडौं । सिद्धार्थ प्रिमियर इन्स्योरेन्सले काठमाण्डौं उपत्यका ट्राफिक प्रहरी कार्यालय लाई ५५० थान ‘सन ग्लास’ सहयोग गरेको छ । कम्पनीले निरन्तर गर्दै आइरहेको संस्थागत सामाजिक उत्तरदायित्व अन्तर्गत ट्राफिक प्रहरीलाई चस्मा हस्तान्तरण गरेको हो ।
सडक व्यवस्थापनमा खटिँदा धुलोधुँवा लगायत प्रदुषणले ट्राफिक प्रहरीको आँखामा क्षति नगरोस भनेर चस्मा उपलब्ध गराएको कम्पनीले जनाएको छ । उक्त सनग्लास कम्पनीका नायब महाप्रबन्धक दीपककुमार धूतद्धारा उपत्यका ट्राफिक प्रहरी कार्यालयका प्रमुख प्रहरी नायब महानिरिक्षक पोषराज पोखरेललाई हस्तान्तरण गरेका थिए ।
पोखरेलले यस कार्यबाट ट्राफिक प्रहरीलाई सडकमा निरन्तर सेवा दिन सहयोग पुग्ने बताए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
