काठमाडौं । अमेरिकी सहायक विदेशमन्त्री डोनाल्ड लू नेपाल भ्रमण आउने भएका छन् ।
लु बिहीबार साँझ नेपाल आउने परराष्ट्र मन्त्रालयले स्रोतले जनाएको छ।
नेपालमा रहँदा उनले उच्च राजनीतिक भेटवार्ता गर्ने कार्यतालिका रहेको छ। प्रधानमन्त्री शेरबहादुर देउवाको अमेरिका भ्रमण रद्द भएसँगै उनको भ्रमण हुन लागेको हो।
काठमाडौं बसाइका क्रममा उनले प्रधानमन्त्री शेरबहादुर देउवा, परराष्ट्रमन्त्री नारायण खड्का लगायत उच्च सरकारी अधिकारीहरुसँग भेटघाट गर्ने कार्यक्रम रहेको बताइएको छ।
यसअघि अमेरिकी सहयोग मिलेनियम च्यालेन्ज कर्पोरेशन एमसीसी सम्झौता अनुमोदन हुनुअघि पनि लू नेपाल भ्रमणमा आएका थिए।
नेपालले स्टेट पार्टनरशिप प्रोग्राम (एसपीपी) अस्वीकार गरेको केही समयपछि उनी नेपाल भ्रमणमा आउन लागेका हुन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
