चितवन । पूर्वी चितवनको खैरहनी नगरपालिकामा श्रीमानले श्रीमतीलाई कोठामा बन्धक बनाएर कुटपिट गर्दै पाठेघर निकालेको घटना बाहिरिएको छ ।
खैरहनी नगरपालिका-१० मुसहरवस्तीका रामचन्द्र माझीले बिहीबार साँझ कुटपिट गर्दै श्रीमतीको यौनाङ्गमा हात हालेर पाठेघर निकालेका प्रहरीले जनाएकाे छ ।
स्थानीयवासीले बिहीबार राति ८ बजे प्रहरीलाई खबर गरेपछि घटनास्थलमा प्रहरी पुग्दा पीडित गम्भीर घाइते अवस्थामा फेला परेकी थिइन् । लगत्तै उनलाई भरतपुर अस्पताल लगिएकाे थियाे ।
इलाका प्रहरी कार्यालय खैरहनीका प्रमुख अनोज विश्वकर्माका अनुसार कुटपिट गर्ने माझीलाई हिजै नियन्त्रणमा लिइएको छ । चितवन प्रहरीका सूचना अधिकृत डीएसपी नरहरी अधिकारीले घटनाबारे थप अनुसन्धान भइरहेको र मुद्दा दर्ता गर्ने तयारी गरिएकाे बताए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
