काठमाडौं । शेयर बजार दोहोरो अंकले बढेको छ । साताको कारोबारको तेस्रो दिन शेयर बजार मापक सूचक (नेप्से) १९.२६ अंकले बढेर २८९१.३० विन्दुमा पुगेको छ ।
नेपाल स्टक एक्सचेन्जका अनुसार मंगलवार २२३ कम्पनीको ६ अर्ब ५७ करोड ४८ लाख ४२ हजार ४१८ रुपैयाँ बराबरको १ करोड, २१ लाख ६७ हजार ६०५ कित्ता शेयर किनबेच भएका छन् ।
अघिल्लो दिनको तुलनामा कारोबार रकम पनि बढेको छ । सोमवार ५ अर्ब १५ करोड ४१ लाख ७७ हजार ५५९ रुपैयाँ बराबरको कारोबार भएको थियो ।
आज कारोबारमा आएका १३ समूह मध्ये ९ वटाको परिसूचक हरियो भएको छ भने ४ वटाको घटेको छ ।
दोहोरो अंकले बढेको बजारमा बैंकिङ ५ ,विकास बैंक ८१, फाइनान्स ३६, लगानी समूह ०.११ माइक्रोफाइनान्स ४९ अंकले बढेको छ ।
होटल तथा पर्यटन २, जीवन बीमा १३, उत्पादन समूह १३ अंकले घटेको छ भने जलविद्युत १०९, अन्य उपसमूह १ र निर्जीवन बीमा ९१ अंकले बढेको छ ।
दुई कम्पनीको शेयरमूल्यमा उच्च वृद्धि भएको छ । विन नेपाल लघुवित्त र बुद्धभूमि नेपाल जलविद्युत कम्पनीका शेयरमूल्यमा आज सर्किट लेभलमा वृद्धि भएको छ ।
त्यसैगरी, नेशनल हाइड्रो ७.५०, फरवार्ड लघुवित्त ७.२५, युनाइटेड इदीमार्दी ५.९५, मैलुङ खोला ५.५२, साहस ऊर्जा ५.४५, अरुण भ्इाली ५.४३, युनियन हाइड्रोपावर, हिमाल दोलखा, एनएमबी हाइब्रिड फण्ड, घलेम्दी हाइड्रोपावर, गुह्वेश्वरी मर्चेन्ट र न्यादी हाइड्रोपावरको शेयर मूल्य ४ प्रतिशतभन्दा धेरैले बढेको छ ।
कारोबारको आधारमा आज नेशनल हाइड्रो कम्पनीको ३९ करोड बराबरको शेयर खरिद विक्री भएको छ ।
अरुणभ्याली हाइड्रोपावर कम्पनीको ३७ करोड १४ लाख भन्दा बढीको कारोबार भएको छ । अपी पावरको ३५ करोडको कारोबार भएको छ ।
अपर तामाकोशीको ३४ करोडको कारोबार भएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
