काठकाडौं । रियल टाइम ग्रस सेटलमेन्ट (आरटीजीएस) प्रणालीमा थप ७ वटा संस्थाहरू आबद्ध भएका छन्।
राष्ट्र बैंक भुक्तानी प्रणाली विभागले बिहीवार सूचना प्रकाशित गरी थप संस्थाहरु आबद्ध भएको जनाएको हो ।
‘ख’ र ‘ग’ वर्गका ७ वित्तीय संस्थाहरु आरटीजीएस प्रणालीमा आवद्ध भएको र आजैदेखि डाइरेक्ट पार्टिसिपेण्टको रुपमा आबद्ध भई कारोबार गर्ने जनाएको छ ।
आरटीजीएस प्रणालीमा थप भएका ‘ख’ वर्गको सप्तकोशी डेभलपमेन्ट बैंक लि., विराटनगर रहेको छ ।
‘ग’ वर्गमा वित्तीय संस्थामा गुडविल फाइनान्स लि काठमाडौं, गोर्खाज फाइनान्स लि काठमाडौं, बेष्ट फाइनान्स कम्पनी लि काठमाडौं, प्रोगेशिभ फाइनान्स लि., काठमाडौं,. रिलायन्स फाइनान्स लि., काठमाडौं र गुहेश्वरी मर्चेण्ट बैंकिङ एण्ड फाइनान्स लि., ललितपुर रहेको छ ।
आरटीजीएस प्रणालीमा यसअघि नै २७ वटा वाणिज्य बैंक आबद्ध रहँदै आएको राष्ट्र बैंकले जनाएको छ । ग्राहकले आवश्यकता अनुसार नेपाल राष्ट्र बैंकद्धारा सञ्चालित आरटीजीएस प्रणालीमार्फत एउटा बैंकबाट अर्को बैंकमा भुक्तानी कारोबार फछ्र्यौट गर्न सक्ने छन् ।
रकम पठाउने ब्यक्तिले बैंकको कुनै पनि शाखामा एउटा निवेदन लेखेर दिएपछि सोही समयमा नै अर्को बैंकको खातामा रकम जम्मा हुनेछ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
