नयाँ दिल्ली । भारतमा शुक्रबार रिलिज भएको फिल्म सूर्यवंशीले दुई दिनमा ८० करोडको व्यापार गरेको छ । बक्स अफिसका अनुसार फिल्मले रिलिज भएको पहिलो दिन शुक्रबार २६ करोड २९ लाख भारु र दोस्रो दिन शनिबार साढे २४ करोड भारुको व्यापार गरेको छ ।
रोहित शेट्ठीले निर्माण गरेको सूर्यवंशीमा अक्षय कुमार र क्याट्रीना क्याफ मुख्य भूमिकामा छन् । भारतमा अहिले दिपावलीको छुट्टी भएकाले पनि फिल्म हलमा दर्शक ओइरिएका हुन् ।
पहिलो दिनको तुलनामा शनिबार केही कम व्यापार भए पनि आज आइतबार बढी व्यापार हुने अपेक्षा गरिएको छ । तर बुधबार भारतमा छुट्टी सकिए पछि भने फिल्मको व्यापार ओरालो लग्ने अनुमान गरिएको छ । छुट्टीको अवधिमा फिल्मले सबैभन्दा बढी व्यापार गरिसक्नुपर्ने दबाब छ ।
सूर्यवंशी फिल्म भारतमा चार हजार पर्दा र विदेशमा १३ सय पर्दामा एकसाथ रिलिज भएको थियो । फिल्ममा गुलशन ग्रोबर, जावेद जाफरीले पनि अभियन गरेका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
