काठमाडौं । प्रधानमन्त्री केपी शर्मा ओलीले सभामुख अग्नि सापकोटाप्रति आक्रोश पोखेका छन् ।
बालुवाटारमा शनिबार बसेको सर्वदलीय बैठकमा ओलीले सभामुखमाथि आक्रोश पोखेका हुन्।
बैठकबाट बाहिरिएका राप्रपाका नेता प्रकाशचन्द्र लाहनीले प्रधानमन्त्री ओलीले संसदीय काम कारबाहीमा सभामुखले भाँजो हालेको आरोप लगाएको बताए ।
प्रधानमन्त्री ओलीले सभामुखले एमसीसी पेश गर्न नदिएकोप्रति आक्रोश पोखेको पनि लोहनीले बताए ।
बैठकमा उपप्रधानमन्त्री ईश्वर पोखरेल, अर्थमन्त्री विष्णुप्रसाद पौडेल, गृहमन्त्री रामबहादुर थापा, नेपाली कांग्रेसका सभापति शेरबहादुर देउवा, वरिष्ठ नेता रामचन्द्र पौडेल र महामन्त्री विमलेन्द्र निधि, जनता समाजवादी पार्टी (जसपा)का अध्यक्ष महन्थ ठाकुर र नेता लक्ष्मणलाल कर्ण, राष्ट्रिय प्रजातन्त्र पार्टी (राप्रपा) अध्यक्ष लोहनी र नेपाल मजदूर किसान पार्टीका नेता प्रेम सुवाल सहभागी छन् ।
प्रधानमन्त्री ओलीले समसामयिक राजनीति, संसद् अधिवेशन, कोरोना भाइरसको महामारीलगायतका विषयमा छलफल गर्न संसदमा प्रतिनिधित्व गर्ने राजनीतिक दलहरूलाई बोलाएका थिए। यसअघि गत मंसिर २३ मा पनि ओलीले सर्वदलीय बैठक आह्वान गरेका थिए।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
