काठमाडौं । प्रदेश २ का प्रदेश प्रमुख राजेश अहिराजले नुवाकोटमा पुगेर जिपलाइन गरेका छन् ।
नुवाकोट दरबार परिसरनजिकै रहेको जिपलाइन स्टेशन पुगेर अहिराजले शनिबार अपराह्न जिपलाइन गरेका हुन् ।
स्थानीय पर्यटन विकास र प्रवद्र्धनका लागि उनले आफू नुवाकोट पुगेर जिपलाइन गरेको प्रतिक्रिया दिएका छन् । अहिराजले जिपलाइन गरेपछि नुवाकोट दरबारक्षेत्रको अवलोकन गर्नुका साथै देवीभैरवी मन्दिरको दर्शन समेत गरेका थिए ।
१३ सय मिटर लामो नुवाकोटको जिपलाइनको प्रतिघन्टा अधिक रफ्तार १ सय १० किलोमिटर हुने सञ्चालकहरुको भनाइ छ ।
दरबार एडभेन्चर जिपलाइन रिसोर्टले सञ्चालन गरेको सो जिपलाइन पछिल्लो समय चर्चित बन्दै गएको छ ।
नुवाकोटको विदुर नगरपालीका २ मा रहेको जिपलाइन १६ पुस ०७६ बाट व्यावसायिक सञ्चालनमा ल्याइएको हो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।