अन्तिम परीक्षा र नतिजा प्रकाशन समेतको जिम्मेवारी विद्यालयलाई

काठमाडौं । कक्षा  ११    मा    अध्ययनरत    विद्यार्थीको    अन्तिम  परीक्षा  सम्बद्ध  विद्यालयले  नै  सञ्चालन  गर्ने  भएका  छन्  ।  राष्ट्रिय  परीक्षा  बोर्डले  यसै  शैक्षिक  सत्रमा  कक्षा ११ मा अध्ययन गर्ने विद्यार्थीको अन्तिम  परीक्षा  विद्यालयले  नै  गर्ने  स्पष्ट गरेको छ ।

बोर्डका  अध्यक्ष  प्रा.डा.  चन्द्रमणि  पौडेलले  बोर्डले  अन्तिम  परीक्षा  सञ्चालन गर्ने अधिकार विद्यालयलाई नै  हस्तान्तरण  गरेको  जानकारी  दिए ।

 अब पठनपाठन, आन्तरिक परीक्षा, अन्तिम परीक्षा र नतिजा प्रकाशन समेतको  जिम्मेवारी  विद्यालयलाई  आएको छ । बोर्डका अध्यक्ष गौतमले भने, “नेपाल सरकारले कार्यविधि परिवर्तन गरेबाहेक अब बोर्डले कक्षा ११ को परीक्षा सञ्चालन गर्दैन ।” 

बोर्डले  गत  वर्षको  कक्षा  ११  मा  अध्ययन  गर्ने  विद्यार्थीको  अन्तिम  परीक्षा  सञ्चालन  गर्दा  परीक्षा  सञ्चालनसम्बन्धी कार्यविधिमार्फत सो अधिकार विद्यालयलाई दिएको थियो । कोरोना भाइरसका कारण बोर्डले राष्ट्रिय स्तरमा  एकै  पटक  परीक्षा  सञ्चालन  गर्न  नसकेपछि  कार्यविधिमार्फत  उक्त  अधिकार विद्यालयलाई दिइएको हो । गोरखापत्रमा खबर छ ।

एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।