काठमाडौं । औषधि निर्माता कम्पनीले कोरोनाविरुद्धको खोप तयार भएको र त्यो खोप ९० प्रतिशत प्रभावकारी प्रमाणित भएको घोषणा गरेसँगै विश्वको सेयर बजारमा हलचल पैदा भएको छ ।
कोरोना भाइरस बिरुद्धको खोप निर्माण गरिरहेको कम्पनी फाईजर इंकले खोप ९० प्रतिशत प्रभावकारी देखिएको बताएपछि विश्वभरीको बजारमा वृद्धि देखिएको हो ।
अमेरिकी शेयर बजारमा सोमबार शुरुवाती समयमा ९.४३ प्रतिशले वृद्धि देखिएको थियो । बजार बन्द हुँदासम्म ५ प्रतिशतको वृद्धि २९,६३३ मा गएर बन्द भयो । गत फेब्रुअरी १२ मा अमेरिकी शेयर बजार डाउ जोन्स २९,५५१.४२को नयाँ रेकर्ड राखेको थियो । अमेरिकी शेयर बजार खुलेको आधा घण्टा पछि एसएन्डपी इन्डेक्स ५०० अंक ३ प्रतिशतले वृद्धि भएर ३,६१५.७१ अंकमा पुगेको छ
अमेरिकी एयरलाइन्स समूह इंक र कार्निवल कर्पोरेसनको शेयरहरू २२ प्रतिशतभन्दा बढिले वृद्धि भएको छ । स्टे एट होम होम कम्पनी जूम भिडियो कम्युनिकेशन्स इंक र पायलटन इन्टरएक्टिव इन्कको शेयरहरू कम्तिमा १८ प्रतिशतले गिरावाट आएको छ । फाइजर शेयरमा ७ प्रतिशतको वृद्धि भएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
