काठमाडौं। नेपाल स्टक एक्सचेन्ज लिमिटेड (नेप्से) ले सम्पूर्ण सूचिकृत कम्पनीहरुलाई बार्षिक नविकरण शुल्क बुझाउन आग्रह गरेको छ ।
नेप्सेले मंगलबार एक सूचना जारी गर्दै सुचिकृत कम्पनीहरुले असोज मसान्तसम्ममा सूचिकृत कम्पनीले चालु आवको वार्षिक सूचीकरण नविकरण शुल्क बुझाउन आग्रह गरेको हो ।
धितोपत्र कारोबार नियमावली अनुसार ५० करोड रुपैयाँसम्म चुक्तापूँजी भएका कम्पनीले ५० हजार, ५० करोडमाथि चुक्ता पूँजी भएका कम्पनीले एक लाख रुपैयाँ नविकरण शुल्क बुझाउनुपर्नेछ ।
यस्तै डिबेन्चर र म्युचुअल फण्डको हकमा ५० करोड रुपैयाँसम्म चुक्तापूँजी हुनेले २५ हजार तथा ५० करोडमाथि चुक्ता पूँजी हुनेले ५० हजार नविकरण शुल्क बुझाउनुपर्नेछ ।
नेप्सेले सुचीकृत कम्पनीहरुलाई ग्लोवल आईएमईको बैंकमा संस्थाको नाममा रहेको खातामा नविकरण शुल्क जम्मा गर्न निर्देशन दिएको छ । समयभित्रै नविकरण नगराउने कम्पनीलाई बार्षिक १० प्रतिशतका दरले जरिवाना तिर्नुपर्ने पनि नेप्सेले जनाएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
