काठमाण्डौ । काठमाडौंको वीर अस्पतालमा कोरोना संक्रमणको आशंकामा भर्ना भएकी एक युवतीको मृत्यु भएको छ ।
काठमाण्डौकै चन्द्रागिरी नगरपालिका वडानम्बर १५ की ती युवतीलाई बेहोसी अवस्थामा अस्पतालमा भर्ना गरीएको अस्पतालले जनाएको छ ।
युवतीको सघन उपचार कक्ष (आईसीयू)मा उपचारका क्रममा मृत्यु भएको जनाइएको छ । मृत्यु भएकी युवती स्वास प्रस्वाससम्बन्धी समस्या भएर अस्पताल भर्ना भएकी बताइएको छ ।
यस्तै, सोमबार अस्पताल भर्ना भएका अर्का एक युवकको पनि अस्पतालमा मृत्यु भएको छ । उनलाई सोमबार बेहोस् अवस्थामा अस्पतालको इमर्जेन्सीमा भर्ना गरिएको थियो ।
अस्पतालका निर्देशक डा. केदार सेञ्चुरीले उपचारका क्रममा मृत्यु भएका दुवै जनाको कोरोना परीक्षणका लागि नमूना संकलन गरेर राष्ट्रिय जनस्वास्थ्य प्रयोगशाला टेकु पठाइएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
