काठमाडौँ – नेपाली कांग्रेसले प्रतिनिधिसभामा शुक्रबार प्रधानमन्त्रीको सम्बोधन रोक्न माग गरेको छ ।
पार्टीका नेता तथा राष्ट्रियसभाका सांसद दुर्गाप्रसाद उपाध्यायको निधनले शोक परेका कारण कांग्रेसले प्रधानमन्त्रीको सम्बोधन स्थगित गर्न माग गरेको हो ।
बहालवाला सांसदको मृत्यु भएपछि संसदमा शोक प्रस्ताव पारित गरेर अरु कार्यसूचि स्थगित गर्ने परम्परा बमोजिम कांग्रेसले प्रधानमन्त्रीको सम्बोधन स्थगित गर्न आग्रह गरेको हो ।
नेपाली कांग्रेसका तर्फबाट राष्ट्रिय सभामा निर्वाचित भएका हुन् । क्यान्सरबाट पीडित उपाध्यायलाई चितवनस्थित भरतपुर क्यान्सर अस्पतालमा उपचारपछि घर फर्काइएको थियो।
उपाध्यायको जन्म २०२६ सालमा भएको थियो। उपाध्यायका एक श्रीमती, तीन छोरा र दुई छोरी छन्। उपाध्यायको आजै अन्त्येष्टि गरिने बताइएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
