काठमाडौं,। नेपाल स्टक एक्सचेञ्ज नेप्से परिसूचक घटेको छ ।
बुधबार २५.५८ अंकले बढेर बन्द भएको नेप्से परिसूचक साताको कारोबार हुने अन्तिम दिन ०.१५ अंकले घटेर १५१०.४२ बिन्दुमा पुगेको हो ।
यसदिन १८६ कम्पनीको २ अर्ब ६३ करोड ४८ लाख ८६ हजार २३१ रुपैयाँ बराबरको कारोबार भएको छ । ९३ लाख २ हजार ९७० कित्ता सेयर किनबेच भएका छन् ।
कारोबारमा आएका १२ वटा समूहमध्ये ७ वटा समूहको परिसूचक उकालो लागेका छन् भने ५ समूहको परिसूचक ओरालो लागेका छन् ।
आज निर्जीवन बीमा समूहको परिसूचक सबैभन्दा धेरै ६७.३४ अंकले बढेको छ भने उत्पादनमूलक समूहको परिसूचक ३५.९४ अंकले बढेको छ ।
आज पनि लगानीकर्ताको रोजाइमा नेपाल पुनर्बीमा कम्पनीको सेयर परेको छ । यसको सबैभन्दा धेरै ४१ करोड ५७ लाख रुपैयाँ भन्दा बढीको सेयर किनबेच भएको छ ।
उन्नति सहकार्य लघुवित्त, एनआरएन डेभलपमेन्ट, अरुण काबेली र जोशी हाइड्रोपावरको सेयरधनीले करिब १० प्रतिशत कमाएका छन् । पाँचथर पावर कम्पनीका सेयरधनीले सबैभन्दा धेरै ६.९९ प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
