काठमाडौं । बुधबार करिब १७ अंकले घटेको सेयर बजारमा आज सामान्य सुधार देखिएको छ । निषेधाज्ञा बीच खुलाइएको बजारमा अनलाइन प्रणालीबाटै करिब ३३ करोड रुपैयाँभन्दा बढीको कारोबार भएको छ ।
निषेधाज्ञाका कारण ब्रोकर कार्यालय बन्द भएपछि आज अनलाइनबाटै सेयर कारोबार भएको हो । अघिल्लो पटक लकडाउन हुँदा सेयर बजार करिब ३ महिना बन्द भएको थियो । तर, यसपटक नेप्सेले अनलाइनबाटै भए पनि कारोबार गर्ने निर्णय गरेको थियो ।
आज सेयर बजार मापक सूचक नेप्से ६.२८ अंकले बढेर १३९७.५७ बिन्दुमा पुगेको छ । यसदिन १८२ कम्पनीको ३९ करोड ३१ लाख २९ हजार ०६८ रुपैयाँ बराबरको कारोबार भएको छ । १२ लाख १४ हजार ५१४ कित्ता सेयर किनबेच भएका छन् ।
आज कारोबारमा आएका १२ वटा समूहमध्ये १० वटा समूहको परिसूचक उकालो लागेको छ भने २ वटा समूहको परिसूचक ओरालो लागेको छ । जीवन बीमा समूहको परिसूचक सबैभन्दा धेरै ५६.८२ बढेको घटेको छ ।
कोराबार रकमका आधारमा आज नेको इन्स्योरेन्सको सेयर शीर्ष स्थानमा रह्यो । यसको ३ करोड २ लाख रुपैयाँ भन्दा बढीको सेयर किनबेच भएको छ । कारोबारकै आधरमा नागरिक लगानी कोष र नेपाल पुनर्बीमा कम्पनी क्रमशः दोस्रो र तेस्रो स्थानमा रहे ।
आज पनि समृद्धि फाइनान्सको सेयर मूल्यमा पोजेटिभ सर्किट लागेको छ । यसको मूल्य १० प्रतिशतले बढेको छ । आज जोशी हाइड्रोपावरको सेयर मूल्य सबैभन्दा धेरै ६.४५ प्रतिशतले घटेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
