काठमाडौं। नेपाल राष्ट्र बैंकले कोभिड १९ को जोखिम ब्यबस्थापनको लागि कार्ययोजना तयार पारेको छ ।
कोरोना जोखिम ब्यबस्थापन कसरी, कर्मचारी वा संचालकलाई संक्रमण देखिए के गर्ने लगायत विषयलाई समेटेर राष्ट्र बैंकले ब्यबस्थापन र बैंकको सेवा सुचारु राख्ने कार्ययोजना पारित गरेको हो ।
कार्ययोजनामा कर्मचारीहरुलाई यथासंभव आफूलाई चाहिने खाजा घरबाटै ल्याउन प्रेरित गरेको छ । कार्यालयमा कार्यरत कर्मचारीहरुलाई चिया तथा खाजका लागि कार्यालय बाहिर जान रोक लगाएको छ ।
कोभिडको संक्रमण रहुञ्जेल राष्ट्रबैंकले एक विभागबाट बिनाकाम अर्को विभाग जाने कार्यलाई समेत रोकेको छ । ‘एक विभागबाट अर्को विभागमा अनावश्यक आवतजावत गर्ने कार्यलाई तत्काल बन्द गर्ने ।’ राष्ट्रबैंकले कार्ययोजनामा प्रष्ट व्यवस्था गरेको छ ।
जसमा कर्मचारी वा संचालकलाई संक्रमण भए अस्पताल वा होटेलमा आईसोलेसनमा राखिने भएको छ । यसको खर्च भने बैंकले नै बेहोर्ने छ ।
उनीहरुको सम्पर्कमा आएकाहरुलाई पनि आईसोलेसनमा राखिने भएको छ । त्यस अवधिमा उनीहरुले बिना भत्ताको काज र क्वारेन्टाइनमा बस्दा वर्क फ्रम होमको सुविधा पाउने छन् ।
फ्रन्ट लाइनमा रही प्रत्यक्ष बाह्य सम्पर्कमा काम गर्नुपर्ने कर्मचारीको हकमा कार्यको संवेदनशीलता र संभावित संक्रमणको अवस्था हेरी प्रत्येक १५ दिनको अन्तरालमा पीसीआर टेस्ट गर्नुपर्ने व्यवस्था समेत गरिएको छ ।
यस्तो छ राष्ट्र बैंकको योजना
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
