काठमाण्डौ । साताको अन्तिम दिन आज शुक्रबार सुनचाँदीको मूल्य घटेको छ ।
नेपाल सुनचाँदी व्यावसायी महासंघका अनुसार तोलामा ३०० रुपैयाँले घटेर सुन प्रतितोला छापावाल ७६ हजार रुपैयाँ र तेजाबी ७५ हजार ७०० रुपैयाँ कायम भएको छ । हिजो बिहीबार सुनको भाउ एकैपटक तोलामा ७०० रुपैयाँले बढेर प्रतितोला छापावाल ७६ हजार ३०० रुपैयाँ र तेजाबी ७६ हजार रुपैयाँ कायम भएको थियो । बिहीबारको भाउ माघ महिनाकै उच्च पनि हो ।
साताको कारोबारको चौथो दिन बुधबार सुनको भाउ प्रतितोला छापावाल ७५ हजार ६०० रुपैयाँ र तेजाबी ७५ हजार २०० रुपैयाँ रहेको थियो । यो दिन सुनको भाउ तोलामा ४०० रुपैयाँले ओरालो लागेको थियो ।
त्यस्तै सोमबार र मंगलबार भने सुनको भाउ प्रतितोला छापावाल ७६ हजार रुपैयाँ र तेजाबी ७५ हजार ७०० रुपैयाँमा कारोबार भयो । कारोबारको दोस्रो दिन सोमबार तोलामा एकैपटक ५०० रुपैयाँ बढेको सुनको भाउ मंगलबार भने स्थिर रह्यो ।
साताको कारोबार पहिलो दिन आइतबार भने प्रतितोला छापावाल सुन ७५ हजार ५०० रुपैयाँ र तेजाबी ७५ हजार २०० रुपैयाँ रहेको थियो । यो दिन सुनको भाउ तोलामा ३०० रुपैयाँले बढेको थियो ।
समग्रमा यो साता सुनको भाउ तोलामा ५०० रुपैयाँले वृद्धि भएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
