भारतीय बीमा कम्पनी लाइफ इन्स्युरेन्स कर्पोरेशन (एलआइसी) का लगानीकर्ताको अवस्था यतिखेर निकै नाजुक छ ।
भारत सरकारको स्वामित्व रहेको एलआइसीले लगानी गरेका कम्पनीहरू डुब्ने अवस्थामा पुगेपछि एलआइसी स्वयंमाथि संकट आइपरेको हो । कम्पनीले हालै जारी गरेको वित्तीय प्रतिवेदनअनुसार सन् २०१९ मार्चसम्म एनपीएको आँकडा लगानीको अनुपातमा ६.१५ प्रतिशतले बढेको छ । जब कि सन् २०१४र१५ मा एनपीए ३.३० प्रतिशतसम्म थियो । यसको मतलब पछिल्लो पाँच वर्षको अवधिमा एलआईसीको एनपीए शतप्रतिशतको हाराहारीमा बढेको छ ।
बीबीसी हिन्दीका अनुसार एलआईसीको सन् २०१८र१९ को रिपोर्टअनुसार सन् २०१९ मार्च ३१ सम्म कम्पनीको एनपीए भारु २४ हजार ७७७ करोड रुपैयाँ थियो । जब कि कम्पनीको कुल कर्जा भारु ४ लाख करोड रुपैयाँभन्दा बढी थियो । एलआईसीको कुल सम्पत्ति भारु ३६ लाख करोड रुपैयाँ छ ।
बीबीसी हिन्दीका अनुसार दिवान हाउजिङमा एलआईसीको भारु ६५ सय करोडभन्दा बढी लगानी छ । त्यस्तै रिलायन्स क्यापिटलमा ४ हजार करोडभन्दा बढी लगानी छ । यसरी यति धेरै रकम खराब कम्पनीहरुमा लगानी गरेर एलआईसी आममानिसको करोडौँ लगानीमा जोखिममा पारेको विज्ञहरु बताउँछन् ।
यो कम्पनीको ५५ प्रतिशत स्वामित्व रहेको लाइफ इन्स्योरेन्स कर्पोरेसन ९नेपाल० ले लाखौँ नेपालीबाट बिमाबापत अर्बौं रकम उठाएको छ । भारतमा जोखिममा परेको एलआईसीबाट नेपालमा रहेको एलआईसी नेपाल पनि प्रभावित हुने जानकारहरु बताउँछन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
