नेपाल राष्ट्र बैंकले सार्वजनिक गरेको ‘नेपालमा विप्रेषण आप्रवाहको स्थिति’ को प्रतिवेदन अनुसार पछिल्लो चार महिनामा नेपालमा ३ खर्ब ४ अर्ब ९७ करोड रुपैयाँ बराबरको रेमिट्यान्स भित्रिएको हो ।
राष्ट्र बैंकले तयार पारेको तथ्यांक अनुसार नेपालमा प्रत्येक वर्ष रेमिट्यान्स भित्रिने क्रम बढेको छ ।
सबैभन्दा धेरै कतारबाट
राष्ट्र बैंकले सार्वजनिक गरेको रेमिट्यान्स तथ्यांक अनुसार नेपालमा सबैभन्दा धेरै कतारबाट रेमिट्यान्स भित्रिएको छ । चार महिनामा कतारबाट मात्रै ५३ अर्ब ९३ करोड रुपैयाँ रेमिट्यान्सको रुपमा भित्रीएको छ । जसको योगदान १०० प्रतिशतमा १६।७ प्रतिशत रहेको छ ।
भारतबाट भित्रियो ४३ अर्ब १६ करोड
राष्ट्र बैंकको तथ्यांक अनुसार कतारपछि नेपालमा धेरै रेमिट्यान्स भित्रने देश भारत रहेको छ ।पछिल्लो ४ महिनामा भारतबाट ४३ अर्ब १६ करोड रेमिट्यान्स भित्रियो । जसको योगदान १४।२ प्रतिशत रहेको छ ।
खाडी मुलुकको मात्रै ५० प्रतिशत भन्दा धेरै योगदान
सार्वजनिक तथ्यांक अनुसार चार महिनाको अवधिमा खाडी मुलुकबाट मात्रै कुल रेमिट्यान्समा ५० प्रतिशत भन्दा धेरै योगदान रहेको छ ।यस अवधिमा ४ खाडी मुलुकहरु कतार, मलेशिया, यूएई, साउदी अरबियाबाट मात्रै ५०।३० प्रतिशत रेमिट्यान्स भित्रिएको छ । जसमा यूएईबाट ४० अर्ब ८७ करोड, साउदी अरेबियाबाट ३८ अर्ब १५ करोड र मलेशियाबाट २९ अर्ब ६६ करोड रेमिट्यान्स भित्रिएको छ ।
यस अवधिमा अमेरिकाबाट २५ अर्ब ४२ करोड, जापानबाट २२ अर्ब ८७ करोड, कुवेतबाट ११ अर्ब ५२ करोड, बहराइनबाट ८ अर्ब ७९ करोड रेमिट्यान्स भित्रिएको छ । कोरियाबाट ६ अर्ब १५ करोड, बेलायतबाट ५ अर्ब ४ करोड, अस्ट्रेलियाबाट १ अर्ब ३४ करोड र अरु अन्यबाट १८ अर्ब ७ करोड रेमिट्यान्सत भित्रिएको प्रतिवेदनमा उल्लेख छ ।
नेपाल राष्ट्र बैंक तथ्यांक अनुसार चालु आर्थिक वर्षको पाँच महिनामा ३ खर्ब ७६ अर्ब ९९ करोड रुपैयाँ रेमिट्यान्स नेपाल भित्रिएको छ । गत वर्ष सोहि अवधिको तुलनामा रेमिट्यान्स ०.१ प्रतिशतले बढी हो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
