काठमाडौं । सन् २०२५ को जनवरीमा भारतमा आयोजना हुने भारत बोबिलिटी बारे नेपालको नाडा अटोमोबाइल्स एशोसिएशन अफ नेपाल (नाडा) र नेपालस्थित भारतीय दूतावास बीच अन्तरक्रिया कार्यक्रम सम्पन्न भएको छ ।
बिहीबार काठमाडौंमा भारतीय दूतावासका प्रमुख वाणिज्य सचिव सुमन शेखर लगायतको प्रमुख आतिथ्यतामा नाडा केन्द्रीय कार्य समितिका पदाधिकारी तथा सदस्यहरू बीच अन्तरक्रिया सम्पन्न भएको हो ।
उक्त अन्तरक्रियामा नाडाका अध्यक्ष करण चौधरीले नेपालको अटोमोबाइल क्षेत्रका विविध पक्षहरूको बारेमा जानकारी गराए । उनले नेपालको अटोमोबाइल क्षेत्रको प्रवद्र्धनका लागि भारतको सहयोग अपरिहार्य भएको बताए ।
भारत मोबिलिटी आगामी जनवरी १७ देखि २२ सम्म भारतको नयाँदिल्लीको भारतमण्डपम, यसोभूमि द्धारिका र ग्रेटर नोइदामा आयोजना हुँदैछ ।
उक्त मोबिलिटीमा नेपालबाट नाडाका पदाधिकारी, अटो व्यवसायी लगायत सहभागी हुँदै छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
