काठमाडौं । दशैंका लागि सार्वजनिक यातायातको अग्रिम टिकट बुकिङ असोज १२ गतेदेखि खुल्ने भएको छ ।
मंगलबार यातायात व्यवस्था विभागमा यातायात व्यवसायी लगायत सरोकारवाला निकायहरूको उपस्थितिमा भएको छलफलले असोज १२ गतेदेखि अग्रिम टिकट खुलाउने निर्णय गरेको हो ।
यससँगै अब सर्वसाधरणले असोज १२ गतेदेखि आफ्नो गन्तव्यको अग्रिम टिकट काट्न सक्नेछन् । यसअघि भौतिक पूर्वाधार तथा यातायात मन्त्रालयले पटक पटक बैठक राखे पनि मिति टुंगो लागन सकेको थिएन ।
अग्रिम टिकट बुकिङ खुल्ला गरिएसँगै यात्रुको चाप हुने क्षेत्रमा यात्रु सहायता कक्षहरू स्थापना गरिने छ । जहाँ नेपाल प्रहरी, यातायातका कर्मचारीले काउन्टरमा अग्रिम बुकिङका लागि पुगेका यात्रुहरूलाई सहजीकरण गर्ने र उनीहरूको गुनासा सुन्ने छन् ।
दशैंका बेला करिब २० लाख काठमाडौं उपत्यकाबाट बाहिरिने गर्छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
