काठमाडौं । बससेवा डटकमले दशैंका लागि ४३३ गन्तव्यको टिकट बुकिङ अनलाइनबाटै गर्न सकिने व्यवस्था मिलाएको छ ।कम्पनीले दशैंको समयमा यात्रुहरू सहजता र सुविधालाई मध्येनजर गर्दै अनलाइनबाटै टिकट बुकिङ गर्न सक्ने व्यवस्था मिलाएको हो ।
बससेवाका प्रमुख कार्यकारी अधिकृत पीआर खनालका अनुसार ७० भन्दा बढी जिल्लाका ४३३ गन्तव्यका लागि बससेवाबाट टिकट काट्न सकिने बताए । उनले दैनिक ४२ हजारभन्दा बढी संख्यामा टिकट बुकिङ गर्न सकिने बताए ।
प्रत्येक वर्ष दशैंमा बससेवाले टिकटको संख्या बढाउँदै लगेको छ । यस वर्ष पनि दैनिक टिकटको कोटा बढाउने तयारी भइरहेको खनालले जानकारी दिए । ‘बुकिङ खुलेपछि टिकटका लागि बसपार्क वा काउन्टरमा जानुपर्ने बाध्यता हटोस् भन्ने हाम्रो चाहना हो,’ खनालले भने, ‘अनलाइनबाट टिकट काट्दा बस र सिटसमेत छान्न पाउने भएपछि यात्रु र दोहोरो टिकटको विवाद आउने छैन ।’
बससेवाले अहिले काठमाडौंबाट सिलगुडी, दिल्ली, पोखरा, काँकडभिट्टा, विराटनगर, धरान, भोजपुर लगायत गन्तव्यमा र पोखराबाट नेपालका सबै प्रमुख सहरहरूमा अग्रिम टिकट काट्न सकिने व्यवस्था गरिसकेको छ ।
बससेवाले आफ्नो प्लेटफर्ममार्फत् टिकट काट्ने यात्रुमध्ये हरेक दिन केही यात्रुलाई आकर्षक अफर दिने तयारी गरिरहेको जानकारी दिएको छ ।
बससेवाले सडकमा सवारी चापको समस्यालाई ध्यानमा राखेर यात्रु व्यवस्थापनका लागि काठमाडौंको कलंकीमा प्यासेन्जर लाउन्ज समेत सञ्चालनमा ल्याइसकेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
