काठमाडौं । काठमाडौं विश्वविद्यालय (केयू)ले नेपालमै उत्पादित हाइड्रोजनबाट कार गुडाएको छ ।
आइतबार विश्वविद्यालयको मेकानिकल इन्जिनियरिङ विभाग अन्तर्गतको ग्रिन हाइड्रोजन ल्याबले उत्पादन गरेको हाइड्रोजन गाडीमा हालेर सफल परीक्षण गरेको हो ।
केयूले नेपालमा हाइड्रोजन गाडीको सम्भावना र प्रयोगको अध्ययन गर्न गत कात्तिकमा दक्षिण कोरियाबाट हाइड्रोजन कार ल्याएको थियो । आज सोही कारमा विश्वविद्यालय आफैंले स्थापना गरेको हाइड्रोजन रिफिलिङ स्टेसनबाट उत्पादन भएको हाइड्रोजन कारमा राखिएको हो ।
स्टेसनको सफल परीक्षण भएसँगै नेपालमै उत्पादित ग्रिन हाइड्रोजनबाट पहिलो पटक कार गुड्न सफल भएको हो । नेपाल हाइड्रोजन इनिसिएटिभ्स परियोजना प्रमुख प्रा.डा. विराजसिंह थापाले हाइड्रोजन कारको परीक्षण सफल भएको जानकारी दिए ।
उनले सामाजिक संजाल फेसबुकमा एउटा भिडिओ सेयर गर्दै भनेका छन्, ‘आज नेपालको लागि हाइड्रोजन दिवस हो। मेरो टिमप्रति मलाई गर्व लागेको छ।’
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
