काठमाडौं । जनकपुर भन्सार कार्यालयले १८५ यूनिट मोटरसाइकल लिलामीमार्फत बिक्री गर्ने भएको छ ।
भन्सार कार्यालयले विभिन्न समयमा भन्सार छली, चोरी पैठारी गरी ल्याइएका १८५ थान मोटरसाइकल लिलामी गर्न लागेको हो ।
कार्यालयले हाल प्रयोग गर्न सकिने खालका ६१ वटा र पुनः सवारीसाधनको रुपमा प्रयोग गर्न नमिल्ने (स्क्र्याप गर्नुपर्ने) १२४ थान गरी कुल १८५ थान मोटरसाइकल लिलामीमा ल्याएको हो ।
इच्छुक खरिदकर्ताले २१ दिन भित्र आफूले लिन चाहेको सवारीसाधन र मूल्य तोकी गोप्य शिलबन्दीमार्फत आवेदन दिनुपर्नेछ ।
खरिदकर्ताले आफूले कबोल गरेको मूल्यको १० प्रतिशत रकम राष्ट्रिय वाणिज्य बैंक, जनपुरमा रहेको कोष तथा लेखा नियन्त्रक कार्यालयको खातामा जम्मा गर्नुपर्नेछ ।
भन्सारले प्रयोग गर्न मिल्ने मोटरसाइकलको मूल्य मोडल अनुसार न्यूनतम साढे १२ हजारदेखि ९० हजार रुपैयाँसम्म तोकेको छ । स्क्र्याप गर्नुपर्ने १२४ थानको एकमुष्ट ७ लाख ५० हजार रुपैयाँ तोकेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
