काठमाडौं । पायोनियर मोटो कर्पले नेपालमा निसानको नयाँ गाडी निसान एक्स–ट्रायल सार्वजनिक गरेको छ ।
शुक्रबार काठमाडौंमा आयोजित कार्यक्रममा निसान मोटर कम्पनीको नेपालका निम्ति आधिकारिक वितरक पायोनियर पोटो कर्पले चौथो जेनेरेसनको एक्स–ट्रायल नेपालमा सार्वजनिक गरेको हो ।
निसानको दक्षिण एसिया निर्यात प्रमुख रघुनाथ नैर, पायोनियरका प्रबन्ध निर्देशक सन्दीप शारडा, निर्देशक गौरव शारडालगायत व्यक्तिले गाडी सार्वजनिक गरे । ई–पावरबाट सञ्चालित अत्याधुनिक प्रविधि र डिजाइनको गाडीमा ट्विन–मोटर ई–फोर्स अल–ह्विल ड्राइभ प्रणाली छ ।
चौथो जेनेरेसनको एक्स–ट्रायलमा अघिल्ला संकरणभन्दा उन्नत संरचना, प्रविधिसहितको एसयूभी डिजाइन र अल–ह्विल ड्राइभसहितको पावरट्रेन सुविधा रहेको कम्पनीले जनाएको छ ।
यो गाडीले प्रतिकिलोमिटर १४६ देखि १४८ ग्राम कार्बन्डाइअक्साइड उत्सर्जन गर्ने कम्पनीले जनाएको छ ।
शून्यदेखि १०० किलोमिटरको गति ७.२ सेकेन्डमा दिने एक्स–ट्रायलको नेपालमा सार्वजनिक टप भेरियन्ट ‘एल३’को मूल्य एक करोड ८७ लाख रुपैयाँ रहेको निसानले जनाएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
