काठमाडौं । टाटा मोटर्सका जेन्युइन पार्टसहरूको मूल्य समायोजन भएको छ । टाटा मोटर्सको नेपालका लागि आधिकारिक वितरक सिप्रदी कम्पनिजले ग्राहककोे चाहना र अपेक्षालाई मध्येनजर गर्दै मूल्य समायोजन गरेको हो ।
विद्यमान प्रतिकूल परिस्थितिको असरलाई केही कम गर्ने उद्देश्यले टाटा कमर्सियल गाडीको जेन्यूइन् पार्ट्सहरूको मूल्य समायोजन गरिएको कम्पनीले जनाएको छ । अब ग्राहकले पहिलेको तुलनामा सस्तो मूल्यमा टाटाका जेन्यूइन पार्ट्सहरू किन्न पाउने छन् ।
कम्पनीका अनुसार सिप्रदीको ग्राहकमुखी अवधारणा अनुरुप टाटा जेन्यूइन पार्ट्सको मूल्य घटाइएको हो । अब टाटा कमर्सियल गाडीका ग्राहकले सिप्रदीका वर्कशपहरूमा अनुभवि तथा दक्ष प्रविधिकहरूबाट गाडीको चेकजाँच गर्दा कम खर्चमा टाटा जेन्यूइन पार्ट्सको प्रयोगबाट गुणस्तरिय सर्भिसिंगको फाइदा उठाउन सक्नेछन् ।
समायोजन भएको मूल्य साउन १ गतेदेखि सिप्रदी सर्भिस सेन्टर, आधिकारिक सर्भिस सेन्टर, टाटा जेन्यूइन् पार्टस् को डिलर नेटवर्क, च्याम्पियन जोन, सर्टिफाइड ग्यारेज र आकस्मिक मर्मत सेवा केन्द्रमा लागू भएको कम्पनीले जनाएको छ ।
साथै सिप्रदी सर्भिस सेन्टरमा फेरिएका टाटा जेन्यूइन् पार्टस्हरूमा ६ महिना वा ५० हजार किलोमिटरसम्मको वारेन्टी सुविधा पनि कम्पनिले प्रदान् गर्दे आइरहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
