काठमाडौं । प्रभु बैंक लिमिटेड र लक्ष्मी कन्टिनेन्टल प्रालि बीच विद्युतीय सवारीसाधनमा लगानी सम्बन्धी सम्झौता सम्पन्न भएको छ ।
सम्झौतापत्रमा बैंकका तर्फबाट प्रमुख व्यापार अधिकृत रेनुप्रसाद पाण्डे र लक्ष्मी कन्टिनेन्टलका तर्फबाट महाप्रबन्धक इन्द्र सापकोटाले हस्ताक्षर गरे ।
उक्त सम्झौता अनुसार लक्ष्मी कन्टिनेन्टलले बिक्री गर्ने इलेक्ट्रीक भेहिकल किन्न बैंकले छिटो, छरितो र सुलभ ब्याजदरमा कर्जा उपलब्ध गराउने छ ।
यो सुविधा बैंकका देशभरकै ३०१ शाखाबाट उपलब्ध हुने बैंकले जनाएको छ । लक्ष्मी कन्टिनेन्टलले हाल हुन्डाइका ईभी बिक्री गर्दै आएको छ ।
यस सम्झौताबाट पेट्रोलियम पदार्थ खपतमा आधारित सवारीसाधनलाई विद्युतीय सवारीसाधनले प्रतिस्थापन गरी वातावरणिय सन्तुलनको दृष्टिकोणमा सहयोगी हुने बैंकले विश्वास लिएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
