काठमाडौं । वीवाइडी अटो इन्डष्ट्रीजको नेपालका लागि आधिकारिक विक्रेता साइमेक्स इंक प्रालि र एनएमबी बैंक बीच व्यवसायिक साझेदारी गर्ने सम्झौता भएको छ ।
विद्युतीय सवारी उपभोक्तको पहुँचमा सजिलै पुर्याउने उद्देश्यले दुई कम्पनी बीच वित्तीय सहजीकरण सम्बन्धी सम्झौता भएको हो ।
सम्झौता अनुसार अब बीवाइडीका विद्युतीय सवारी खरिदका लागि एनएमबी बैंकले सुलभ ब्याजदरमा सहजै कर्जा उपलब्ध गराउने छ।
बैंकले बीवाइडीका विद्युतीय गाडी किन्न ८० प्रतिशतसम्म ऋण उपलब्ध गराउने भएको छ । अर्थात् ग्राहकले २० प्रतिशत डाउनपेमेन्टमै बीवाइडीका गाडी किन्न सक्नेछन् । बैंकले ५ वर्षसम्मका लागि १२.४९ प्रतिशत ब्याजदरमा र त्यसपछिको २ वर्षका लागि समान्य फाइनान्सिङ सुविधा उपलब्ध गराउने भएको हो ।
साइमेक्सले हाल बीवाइडीको एटो थी र ई सिक्स विक्री गर्दै आएको छ । एटो थ्रीको मूल्य ६४ लाख ९० हजार रहेको छ भने ई सिक्सको ५९ लाख रुपैयाँ रहेको छ ।
ग्राहकले २० प्रतिशत अर्थात् १२ लाख ९८ हजार डाउन पेमेन्ट मा एटो थ्री र ११ लाख ८० हजार डाउन पेमेन्टमै ई सिक्स किन्न सक्नेछन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
