काठमाडौं । ब्लुबुक, लाइसेन्स र सवारी इजाजत पत्र हराएमा अब अनलाइन मध्यमबाट ‘प्रतिलिपि सिफारिस’ लिन सकिने व्यवस्था भएको छ ।
अनलाइनबाट आवेदन लिएर सिफारिस दिने प्रक्रियालाई अनिवार्य गरिएको तर ट्राफिक कार्यालय धाउनु पर्ने बाध्यताको अन्त्य भएको छ ।
आवेदन दिएको ७२ घण्टापछि अनलाइन माध्यमबाटै सिफारिस पाउने व्यवस्था गरिएको छ । हराएको लाइसेन्स, ब्लुबुक र सवारी इजाजत पत्र नयाँ लिन ट्राफिक प्रहरीको सिफारिस अनिवार्य हुन्छ ।
सिफारिको लागि ट्राफिक प्रहरीको वेबसाइट traffic.nepalpolice.gov.np मा गई लस्ट डकुमेन्ट्स एप्लिकेसनमा क्लिक गर्नुपर्ने हुन्छ।
त्यसपछि त्यहाँ एउटा फर्म देखा पर्छ । आफ्नो कुन डकुमेन्ट हराएको हो, त्यसका क्लिक गरी फर्ममा माग भए बमोजिम नाम, फोन नम्बर, ठेगाना, सम्बन्धित व्यक्तिको परिचयपत्रको प्रतिलिपी सहित अनलाइन फर्म भर्नु पर्नेछ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
