काठमाडौं । सेगवे–नाइनबोटले नेपालमा आफ्नो इन्टेलिजेन्ट इलेक्ट्रिक स्कुटर श्रेणीमा थप नयाँ सेगवे इ ११० एल सार्वजनिक गरेको छ।
सेगवे इ–स्कुटर इ ११० एल मध्यदेखि लामो दूरीको यात्राको लागि अत्याधुनिक, कुशल इलेक्ट्रिक स्कुटर हो । यस मोडलमा अग्रणी टेक्नोलोजी र हेभी–ड्युटी पर्फमेन्सकोे एक समानान्तर मिश्रण रहेको छ ।
विभिन्न उत्कृष्ट फिचरहरु समावेश भएकाे याे स्कुटर २४०० वाटको अधिकतम मोटर पावर र ७२ भि २४ ए ब्याट्री क्षमताको साथ ११० किलोमिटर भन्दा बढीको यात्रा गर्न सक्दछ ।
सेल्फ–डेभलप्ड ब्याट्री व्यवस्थापन प्रणालीले असामान्य तापक्रम सुरक्षा, भोल्टेज सुरक्षा, हट प्लग सुरक्षा र ओभर चार्ज सुरक्षा लगायतका फाइदाहरू प्रदान गर्दछ । यसले मोपेडलाई वर्तमान सुरक्षा र सर्ट सर्किट सुरक्षाको साथ सुरक्षित गर्न सक्छ ।
यो स्कुटरले फोन होल्डर र मिररलाई सुरक्षित गर्न र अनाधिकृत चालहरू रोक्नको लागि ई–लक सुविधा दिन्छ र पार्किङ गरेपछि तुरुन्तै सवारी साधनलाई सहज रूपमा लक गर्न सकिने समेत कम्पनीले बताएको छ।
सेगवे–नाइनबोट ब्रान्ड दुई पाङ्ग्रे सेल्फ–ब्यालेन्सिङ्ग व्यक्तिगत ट्रान्सपोर्टर को लागी एक ब्रान्ड हो ।
यस कम्पनीले छोटो दूरीको यात्राको लागि विकल्प र रोबोटिक सेवाहरू उत्पादन गर्दै आएको छ । आई हव प्रा.लिमिटेड नेपालमा सेगवे–नाइनबोटको आधिकारिक आयातकर्ता र वितरक हो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
