आज एकैदिन सुनको मूल्य तोलामा ६४ सयले बढ्यो, अब कति पुग्यो ?

काठमाडौं । आज नेपाली बजारमा सुनको मूल्य बढेको छ । आज सुनको मूल्य तोलामा ६ हजार ४ सय रुपैयाँले बढेको हो ।

नेपाल सुन चाँदी व्यवसायी महासंघका अनुसार आज सुनको मूल्य तोलाको ३ लाख ७ हजार ९ सय रुपैयाँमा कारोबार भइरहेको छ । यसअघि सोमबार सुनको मूल्य तोलामा ३ लाख १ हजार ५ सय रुपैयाँमा कारोबार भएको थियो ।

त्यस्तै आज चाँदीको मूल्य पनि बढेको छ। महासंघका अनुसार आज चाँदीको मूल्य तोलाको ४ हजार ७८० रुपैयाँ तोकिएको छ । यसअघि चाँदी सोमबार तोलामा ४ हजार ६७० रुपैयाँमा कारोबार भएको थियो ।