त्रिविका उपकुलपति बरालले दिए पदबाट राजीनामा

काठमाडौं । त्रिभुवन विश्वविद्यालयका उपकुलपति प्रा.डा. केशरजंग बरालले पदबाट राजीनामा दिएका छन्।

उनले स्वास्थ्यको कारण देखाउँदै राजीनामा दिएका हुन्।

स्वास्थ्यका कारण राजीनामा दिएको बताए पनि उनले विश्वविद्यालयमा हुने राजनीतिक हस्तक्षेपप्रति पटक–पटक असन्तुष्टि जनाउँदै आएका थिए।

राजनीतिक हस्तक्षेपले गर्दा विश्वविद्यालयमा शैक्षिक वातावरणमै असर परेको उनी बताउँदै आएका थिए।

नेकपा (माओवादी केन्द्र)निकट उनलाई तत्कालीन प्रधानमन्त्री पुष्पकमल दाहालले २०८० फागुन १० गते त्रिविको उपकुलपतिमा नियुक्त गरेका थिए।